Posts tagged ‘zorrak’

septiembre 10, 2012

Shock politika kapital metatze fase berri baterako

Iturria: Manu Robles-Arangiz Institutua Fundazioa – mrafundazioa.org – 2012/09/07

Krisia ez da pasa ondoren “normaltasunera”  itzuliko gaituen estuasun edo arnomaltasun aro bat.

Krisia erabiltzen ari dira botereari interesatzen zaizkion neurriak irtenbide gisa saltzeko, modu horretara kapitalaren metatze fase berri bat abiarazteko asmoz.

Kapitalaren metatze hori gauzatzeko lau bektore jarri ditu martxan politikak:  (1) zor pribatu andana publiko bihurtu,  (2) arlo publikoa eta gastu soziala murriztu,  (3) zerga egitura kapitalaren mesederako egokitu, eta (4)  soldatak era nabarmenean jaitsi.

Zor pribatu andana publiko bihurtu

Krisiaren hasieratik bankari eman zaion laguntza guztia, gehi uztailean hitzartu duten 100.000 milioiko erreskate deitua (oraingoz jaso gabeak) gehi datorrela dioten erreskate berria altxor publikoaren kontura doaz.

1.Gobernuari egindako maileguak dira, ez bankuei
2.Gobernua da maileguak itzuli behar dituena
3.Gobernuak ez dio mailegatuko, baizik eta eman egingo dio bankari (mailegua balitz banka pribatuak egingo luke, dirua irabazteko)
4.Ez da egia baldintza gabeko maileguak direnik, baldintzak daude eta oso larriak dira.

Gobernuak, mailegua itzultzeko zergak igo eta gastu soziala jaitsiko dudira.Gobernuak, mailegua itzultzeko zergak igo eta gastu soziala jaitsiko du.

“Banku txarra” delakoa izango da eragiketa hau egiteko erreminta: gure diruarekin, higiezinen aktiboak (zorua eta etxebizitzak) merkatuko prezioaren oso gainetik erosiko duen instituzio publikoa. Hala, balantzeetan ez dira azalduko higiezinen orgian izandako milaka milioiko galerak eta guztiok ordaindu beharko dugu.

Bien bitartean soilik urtarrila eta ekaina artean 220.000 milioi euro atera dira bankuetatik modu legalean (kapital-ateratzea kontuan izan gabe, izugarria izan dena).

Arlo publikoan eta gastu sozialean murrizketa zorrotzak  zorra ordaintzeko

Aurrekontuen egonkortasunerako legea (PNVk babestua) eta 2011ko udako konstituzio erreforma dira gastu sozialen murrizketa guztien markoa: estatuak konpromisoa hartzen du hartzekodunei ordainduko diela herritarren behar sozialei erantzun aurretik.

Administrazio guztiak murrizketak egiten ari dira aurrekontuetako atal guztietan, gastu sozialean bereziki (osasungintza, hezkuntza…).

Arlo publikoko enpleguan eta lan baldintzetan murrizketak ere.

Pentsioen erreformek, egindakoak eta datorrenak, helburu bera daukate. Gastua gutxitu orain zein etorkizunean eta enpresen kotizazio jaitsierari bidea ireki. Kotizazioen bi puntuko jaitsiera 5.500 milioiko oparia da patronalarentzat.

Publikoa higatzeko eta pribatizazioak ugaritzeko estrategia.

Zerga egitura kapitalaren mesederako egokitu

Zerga-bilketaren beherakada izugarria, langabeziaren, atzeraldi ekonomikoaren eta zerga iruzurraren ugaritzearen ondorioz.

Gastua handitu egin da langabezia sariengatik, baina batez ere zorraren ordainketaren ondorioz.

Estatuak 100.000 milioi gastatu ditu urtarrila eta ekaina bitartean, eta soilik 50.000 milioi bildu ditu. Defizitaren aurrikuspenak ez ditu beteko urrik ere, eta hala, hurrengo urteetako murrizketak justifikatuko dituzte.

Uztailean igarritako BEZ igoerak zerga bilketaren erorketa arindu nahi du, baina oso bidegabea da errenta baxukoak kargatzen dituelako bereziki.

Soldaten kapitulu guztien pobretzea eta lan harremanak gehiago prekarizatu

Lan erreforma guztiek eta negoziazio kolektiboaren bi erreformek bilatzen dutena da.

Soldatak jaistea eta lan harremanak prekaritzatzea.

Prestazio sozialen murrizketak (langabezia saria, laguntzak, oinarrizko errenta) eta langabezia gehituta, langile klasea behartua dago edozein lanpostu, edozein lan baldintza eta edozein soldata onartzera.

Gogoan izan soldata ez dela kontu korrontera doana soilik. Kotizazioak (norberarenak eta enpresarenak) ere soldata dira

enero 30, 2012

Eusko Jaurlaritzako bekadunek ez dute berea den dirua jaso

Gorka Julio (Teketen.com 2012-01.25)

 

Eusko Jaurlaritzako teknologo eta ikertzaile gazteen prestakuntzarako beken onuradunak hilabete daramate lanean bekei dagokien hiru hileko ordainketa jaso gabe. Gainera, prestakuntzara bideratutako dirua, aldez aurretik bekadunek ordaindutakoa, zor die Eusko Jaurlaritzak.

Azken egunetan prentsan berri ezberdinak azaldu dira Eusko Jaurlaritzaren fakturen ordainketaren blokeoaren inguruan. “Blokeoa aldi-baterakoa” eta “kenduta” izan dela irakurri ondoren, Ingurumen, Lurralde Plangintza, Nekazaritza eta Arrantza saileko beka hauen onuradunok egoera horrela ez dela adierazi nahi dugu, errealitatea erabat ezberdina baita.

Aipatzen den moduan, “aginduak indarrean darrai” eta bekadunok aldez aurretik jaso beharko genuke hiru hileko ordainketarik ez dugu jaso. Ordainketa hauek abendu bukaeratik ari dira atzeratzen eta lehenengo azalpenak urtarrilaren erdialdera jaso genituen, arduradunak hainbat egun isiltasunean eman ondoren.

Urtarrila hasieran, kaltetuok Eusko Jaurlaritzarekin harremanetan jartzen hasi ginen odainketen atzerapenaren inguruan azalpen bat eskatuz. “Diruzaintzan egokitzeko arazoak egon dira, baina ez dute bekekin zerikusirik, dagoeneko konponduta dago” azaltzen zuten lehenengo adierazpenek. Hala ere, aste bat beranduago honakoa esaten ziguten: “Aurten, abenduaren 21ean Eusko Jaurlaritzako Ogasunak ordainketa guztiak blokeatu zituen. Prestatuta zeuden zuen ordainketen paper eta sinadurak, baina informatika-programa dela eta ezin izan ziren gauzatu”. Gainera, gu lasaitu nahian “badirudi aurrekontu-defizita egokitzeko blokeatu zituztela ordainketak, beste arazorik ez dago. Badago zuei ordaintzeko aurrekontua, baita dirua ere, baina ordainketen programa desblokeatu behar dute” esan ziguten.

Egun batzuk zain egon ondoren, kaltetuok lanera joaten jarraitzen dugu, inolako dirurik jaso gabe. Gainera, ezin dugu beste lan bat bilatu, laguntza hauek bateraezinak baitira beste edozein enplegurekin. Halaber, Eusko Jaurlaritzak arazoa noiz konponduko den zehaztu gabe jarraitzen du.

Kaltetuen taldearen eta Ikertzaile Prekarioak elkartearen izenean, egoera honi konponbide bat
eskatzen diogu. Eusko Jaurlaritzari, betetzen dugun lanaren ondorioz legez gurea den diruaren
ordainketa egitea eskatzen diogu. Onartezina da egoera hau gehiago luzatzea.

Kontaktua: becariosGV@gmail.com
Telefonoa: 668849584

A %d blogueros les gusta esto: