Posts tagged ‘zerbitzu publikoak’

mayo 12, 2013

Batasun sindikala eragin du langile publikoen lanaldia luzatzen duen dekretuak

Iturria: Berria.info – 2013/05/12

Milaka pertsonak dei egin diote Jaurlaritzari lanorduak areagotzen dituen dekretuan atzera egin dezan

Aspaldian ikusi gabeko batasun sindikala islatu da Bilbo, Donostia eta Gasteizko kaleetan. «Garrantzitsua da lehen aldiz sindikatu guztiok batu izana, eta zein zerbitzu publiko nahi dugun aldarrikatzea», esan zuen atzo Arantxi Sarasola LABeko zerbitzu publikoko arduradunak, Bilboko manifestazioa hasi baino lehen.Dekreturik ez! Enplegu suntsiketarik ez! Zerbitzu publikoen defentsan, hemen erabaki zioen pankartaren atzean mobilizatu ziren ELA, LAB, CCOO, UGT, EILAS eta SATSE eta SAE (erizainen sindikatuak).

Milaka pertsonak egin zuten bat martxarako deialdiarekin, Eusko Jaurlaritzari bere «norabidea aldatzeko» eskatzeko. Denek batera oihukatu zituzten «Zerbitzu publikoak defenda ditzagun», «Inposiziorik ez, Murrizketarik ez, gastu soziala bai» edo «Urkullu entzun, aurrean gaituzu» aldarrikapenak.

Sindikatu guztiak batera mobilizatzeko arrazoia Eusko Jaurlaritza bera izan da. Langile publikoen lan baldintzak arautzen dituen dekretua onartu zuen joan den martxoaren 5ean, eta besteak beste, lanorduak gehitu zizkien —1.592tik 1.614ra—, eta kontu partikularretarako har ditzaketen baimen egunak erdira jaitsi —seitik hirura—. «Zerbitzuari kalte egingo diola, eta lanpostuak berriz, suntsitu», esan zuen Igor Eizagirre ELAko Gizalaneko idazkari nagusiak. Denetara, 2.500 lanpostu galduko direla kalkulatu du sindikatuak.

Egoera larritzat jo du Arantxa Agote UGTko osasun saileko arduradunak, eta kritika zorrotza egin zion Jaurlaritzari: «Gobernu hau hipokrita hutsa dela uste dugu. Alde batetik diote enplegua bultzatzen ari direla, baina era berean milaka lanpostu publiko suntsitzen ari dira». Horrek «kalitateari eragingo dio»; gizarteak hori «jakin behar duela» azpimarratu zuen.

Legebiltzarrari entzun

Funtzio Publikoko Mahaitik altxatuta, sindikatu guztiek Jaurlaritzari eskaera jakin bat egin zioten: onartutako dekretua bertan behera utz dezala. «Guk inoiz ez genuen pentsatu Mahaitik altxatzea, baina agerian utzi dugu mahai horretan ez dela ezer adostu», esan zuen Pablo Garcia de Vicuña CCOOko Irakaskuntzako idazkari nagusiak. Horregatik, «sen ona berreskuratzeko» eskatu zion gobernuari, eta Legebiltzarrak eskatutakoari entzuteko. Martxoaren 25ean EH Bildu, PSE-EE eta UPDk langile publikoen baldintzak arautzen dituen dekretua kentzeko eskaera egin zioten Jaurlaritzari, legez besteko proposamen baten bidez.

LABeko Arantxi Sarasolak PSE-EEri erreparatu zion. «Oposizioko alderdi bat gobernu akordioari baiezkoa emateko tentaldian egon daiteke. Horrelakorik ezin du egin, enplegu publikoa suntsitzen baldin bada». Sozialistak akordioari baiezkoa emango baliote, dekretu hori atzera botatzeko izan dadila eskatu zion.

Anuncios
mayo 3, 2013

Garraio publiko duina nahi dute Leioako ikasleek

Iturria: Berria.info – 2013/05/03

EHUko errektoreak Bizkaibuseko ikasleen batzarreko kideei esan die foru aldundira eramango duela kexa

Leioako EHU Euskal Herriko Unibertsitateko campusean garraio publiko duina izan dadin, protestak egiten ari da ikasle talde bat. «Autobus zerbitzuaren kostu handiegiak, autobus bat baino gehiago hartzerakoan berriro ordaindu behar izatea eta erabiltzaileak arriskuak jartzen dituen masifikazioa», salatu ditu Bizkaibuseko ikasleen batzarrak.

Martxoan bideak itxi zituen batzarrak, protesta gisa. Aste honetan, berriz, desobedientzia kanpaina jarri du martxan, eta autobusean ordaindu gabe ibiltzera deitu ditu erabiltzaileak.

Astelehenean, hainbat autobus geldiarazi zituzten ikasleek. Bizkaibusek gidariei agindu zien unibertsitatetik ez irteteko eta hara ez sartzeko, campusetik kanpo dagoen biribilgune batean geltoki bat inprobisatuz. Ikasleak autobusetan zirela, ertzainak agertu ziren, eta bi aukera eman zizkieten: autobusetik jaistea edo identifikatzea. Ikasleek autobusetatik jaistea erabaki zuten. Asteartean, protesta berritzerakoan, Ertzaintza agertu zen, baina ez zen aparteko ezer gertatu.

Atzo, autobus bat okupatu zuen Bizkaibuseko ikasleen batzarrak, eta Ertzaintza agertu zen berriz ere. Bizkaibusek zerbitzua eten zuen eguerdi partean. Arratsaldean, zerbitzua martxan zen, eta ertzainek campusetik irteten ziren autobusak gelditu zituzten.

Batzarreko ikasle batzuk EHUko errektore Iñaki Goirizelaiarekin bildu ziren atzo, errektoreordetzan. Errektoreak esan zien gatazka ez dela bere eskumenekoa, baina kexa Bizkaiko Foru Aldundira eramango duela. Lehendik ere, ikasleek Bizkaiko Diputaziora helarazi dizkiote eskaerak, baina ez dute erantzunik jaso.

Astelehenean, batzarra egingo dute ikasleek, aurrerantzean zer egin erabakitzeko.

Etiquetas: , ,
noviembre 6, 2012

Bilkura zerbitzu publikoen defentsan

Iturria: ELA Sindikatua – 2012/11/06

ELAk zerbitzu publikoen aldeko bilkura egin du goizean Gasteizen. Bertan mezu zuzena bidali zaio euskal klase politikoari: murrizketa politikak aldatu eta zerbitzu publiko unibertsal eta kalitatezkoen alde egin dezala.

Kontzentrazioa Espainiako Gobernuak Gasteizen duen Gobernu-ordezkaritzaren aurrean izan da, besteak beste bere ordezkari Carlos Urquijoren jarduna salatzeko.

Hau da bilkuraren ostean irakurri den testua:

Krisi hau pairatzen hasi ginenetik gobernuek asmo ia bakarra izan dute hartu dituzten erabakiekin: banku eta aurrezki-kutxek eragindako zuloa estaltzeko milaka milioi ematea laguntzatan. Defizit publikoaren kontrola guztien gainetik jartzea, horretarako Konstituzioa bera aldatzeraino, aitzakia ezin hobea da zerbitzu publikoen kalitatea okertzen jarraitzeko, enplegu publikoa suntsitzeko, beharginen lan-baldintzei ekiteko eta, azkenean, gizartean okerren dauden sektoreak zigortzeko.

Langile publikoei ezarritako murrizketak kontaezinak dira: Ia %20ko soldata jaitsiera, lanaldia luzatuz enplegu publikoa suntsitzea, Enplegu Erregulazio Espedienteak, ordezkapenak galaraztea etab.

ELAk euskal klase politikoari exijitu dio behingoz murrizteko politika hauek alda ditzala; egin dezala zerbitzu publiko unibertsal eta kalitatezkoen alde, enplegu publikoa sortzearen alde, eta lan-baldintzak hobetzeko borondatea ager dezala, euren zein beste esparruetako erabakien ondorioz murrizteko neurriak hartzea baztertuz.

Hain zuzen, EAEko espainiar Gobernu-ordezkaritza azken aldion oharrak bidaltzen ari da, baita inhabilitazio mehatxuekin ere (erakundeetara zirkularrak bidaliz, Gobernu-Ordezkariak adierazpenak eginez…), ordezkari instituzionalek politika horiek aldatzeko asmoa agertzen dutenean, kalitatezko zerbitzu publikoen alde eta murrizteko politiken aurka daudela esatean.

Urquijo jaunari eta espainiar Gobernu-Ordezkaritzari galdegiten diogu ez dezala bide honetatik jarrai eta bertan behera utz ditzala hartzen ari den erabakiak, izan ere, bere helburua batik bat Madrilen erabakitako murrizketak Euskal Herrian inposatzea baita.

Azkenik, dei egiten diogu euskal klase politiko guztiari ez diezaion men egin Rajoyren eta Urquijoren politikari, eta aintzat har dezan herri honen borondatea; ez dezatela murrizketarik aplikatu, eta arlo publiko sendo bati bide eman diezaiotela, herritarren babeserako; honekin lotuta dago, ezinbestean, beharginen eskubideak eta lan-baldintzak defenditzea.

septiembre 24, 2012

ELAk Espainiako Gobernuaren aurrean zerbitzu publikoetan ematen ari diren murrizketa jarraiak salatu ditu

Iturria: ELA Sindikatua – 2012/09/24

Pasa den ostiralean, irailaren 21ean, Madrilen izan zen Estatuko Funtzio Publikoko Mahai Orokorrean gogor salatu zuen Espainiako Gobernuak uztailaren 13ko Lege-Dekretuaren bidez inposatu nahi dituen murrizketa berriak

ELAk pasa den irailaren 21ean CCOO, UGT eta CSIF sindikatuek deitutako Funtzio Publikoko Mahai Orokorrean parte hartu zuen. Mahai honek gai-ordenean puntu bakarra zuen, uztailaren 13ko Lege-Dekretuaren eztabaida hain zuzen, eta, bertan, ELAz gain, aipatutako sindikatuek, Espainiako Gobernuaren ordezkaritzak, Autonomia Erkidegoetakoak eta Galizako CIG sindikatuak parte hartu genuen.

Bileraren helburua murrizketa guztiak eztabaidatzea izan arren ez zen negoziaketen hasiera baten antzezte hutsa baino izan, nahiz eta langile publikoen gaineko uztaileko murrizketak inolaz ere aldatuko ez diren (aparteko ordainsaria kentzea, oporrak gutxitzea, gaixotzeko eskubiderik ez izatea edo ordezkaritza sindikalerako eskubidearen murrizketa).
Adierazgarria izan zen ikustea bai Funtzio Publikoko Estatuko Idazkariak zein sindikatu deitzaileek nola hitzegin zuten luze kreditu sindikalaren negoziaketari buruz eta ia ez zuten eztabaidatu beste neurriei buruz, are gehiago, estatu mailako sindikatuek behin eta berriro eskertu zuten negoziaketen irekiera inolako neurririk aldatu ez arren.

ELAko ordezkariek salatu genuen han gertatzen ari zena ez zela negoziaketa bat, sindikalismoa “gizarterako baselina” moduko bat bezala erabiltza baizik, hau da, eduki oso mugatuko negoziaketa bat irekitzearen truke (liberatu sindikalen zenbatekoa bakarrik) sindikatuak gizartea desmobilizatzeko erabiltzea. Bilera hau elkarrizketa sozialaren estrategiaren porrotaren adibide berri bat izan zen, Espainiako Gobernuak negoziaketa itxura eman nahi baitio aldebakarreko eskubide sozial eta lan eskubideen murrizketa besterik ez denari.

Espainiako Gobernua salatu genuen gizarteko alde txiroenak kasten alde sakrifikatzeagatik eta negoziaketa erreala izango bada negoziaketaren erlojua 2010eko apirilan kokatu beharra zegoela adierazi genuen, ordutik aurrerakoari ezin baitzaio negoziaketa deitu. Espainiako Gobernuak Euskal Herrian gure lan eta bizi-baldintzak negoziatzeko eskubidean izandako eskuhartzea ere salatu genuen.

Horrez gain, sindikalismoa orokorrean mobilizatzera deitu genuen, Euskal Herrian irailak 26an deitu dugun Greba Orokorrean parte hartzera eta bai Euskadiko Autonomi Erkidegoari zein Nafarroakoari zuzenean dei egin genien murrizketa neurri hauek guztiak ez aplikatzera.

Azkenik, Estatuko Idazkariak datorren asteazkenerako “negoziaketa” mahai batera deitu gintuen hurrengo egunean Gobernu Kontseiluan onartu behar duten Aurrekontu Orokorren Proiektuaz eztabaidatzeko, denbora premiak argi erakusten du ez dagoela benetako negoziaketarako inolako asmorik.

Bilerak argi erakutsi zigun langile klasearentzat ez den kalea duintasunerako inolako beste espaziorik izango, horretarako konpromisoa hartu genuen bileran eta horregatik berriz ere dei egiten dugu datorren irailaren 26ko Greba Orokorrean parte hartzera.

septiembre 11, 2012

ELAk salatzen du Gobernuak langile publikoen 14. ordainsaria kenduko duela, nahitaez

Iturria: ELA Sindikatua – 2012/09/10

ELAk Mahai Orokorrean kritikatzen du Funtzio Publikoaren arduradunen jarrera, eta murrizketa honen estaldura ez emateko eskatzen die gainerako sindikatuei.
 
ELA sindikatuak salatu du, gaurko Funtzio Publikoaren Mahai Orokorrean, Nafarroako Gobernuak iragarritako asmo irmoa -eta hainbat aldiz azpimarratuta-: 25.000 langile publikoen 14. ordainsaria behin betirako kentzea. Gobernuaren ordezkariek argitu dute “ordainsari hori ez dela inondik inora itzuliko”. Gainera, “Estatuko pentsio funtseen antzeko neurriren bat ikertuko dutela” esan dute, baina han ez dela “inolako bermerik”, gehitu dute, eta inongo kasuetan 2015 baino lehen. “Beste gauza da -Gobernuaren esanetan-, zein hilbatetetan ordaintzen diren datorren urteko udako eta Gaboneko ordainsariak”.
 
Horrek guztiak ELAk esandakoa baieztatzen du: langile publikoek haien urteko soldataren %7ko murrizketa jasango dute, etorkizunean berreskuratzeko inolako aukerarik gabe. Gainera, ELAk salatzen du Gobernuak Tokian Tokiko Administrazioan (Udaletxeetan eta abar) zein enpresa publikoetan (hitzarmen kolektiboak etenda geldituko dira) 14.ordainsaria kenduko duela, nahitaez.
 
25.000 langile nafarren soldataren aurkako eraso bortitza honen aurrean mobilizazioa baino beste biderik ez dagoela azpimarratzen du ELAk. Gauzak horrela, ELAk gainerako sindikatuak estutzen ditu neurri honen estaldura ez emateko, Mahai Orokorrean zein beste mahaietan ere ez. Azkenik, ELAk langile publikoak greba orokorrean parte hartzera animatzen ditu, murrizketa guztien aurkako jarrera agerian uzteko asmoan.
mayo 3, 2012

31 de mayo, huelga general en el sector público de Hego Euskal Herria

2012/05/03
Es un paso más en la respuesta unitaria a los recortes que las distintas administraciones de Hego Euskal Herria vienen aplicando durante estos tres últimos años así como a las medidas antisociales y las políticas encaminadas a desmantelar los servicios públicos.

Los sindicatos ELA, LAB, STEE-EILAS y ESK han anunciado la realización a lo largo de este mes de mayo de numerosas movilizaciones en los servicios públicos de Hego Euskal Herria que culminarán el próximo 31 de mayo con una huelga general en el conjunto del sector.

Leer comunicado conjunto

marzo 22, 2012

Protesta contra los recortes en Nafarroa

2012/03/22

LAB, ELA y STEE-EILAS realizaron ayer protestas en una veintena de localidades en favor de los servicios públicos y en contra de los recortes. La más relevante tuvo lugar frente al Parlamento.

Imanol Pascual, responsable de ELA en el sector público, “el Gobierno de Barcina está aprovechando la Mesa General para desmantelar los servicios públicos y sus medidas lo único que hacen es aumentar el desempleo.

Los sindicatos LAB, ELA y STEE-EILAS han convocado a una manifestación conjunta de todos los servicios públicos para que tenga un fuerte protagonismo dentro de la jornada de huelga del 29. Esta marcha -que empleará lemas en favor del Estado del Bienestar y contra las políticas neoliberales del Gobierno- partirá desde Barañain a las 11.00 horas del día 29 para confluir después con el resto de columnas obreras. Una vez se reúnan todos en la plaza del Castillo se iniciará la marcha principal de estos sindicatos en la jornada de huelga.

Murrizketen kontrako elkarretaratzeak Nafarroako hainbat udaletan

2012/03/22

Nafarroako Parlamentuaren kanpoan elkartu ziren atzo ELA, LAB eta EILAS, sindikatuetako ordezkariak, Barcinaren Gobernuaren murrizketak salatzeko eta zerbitzu publikoen alde egiteko. Elkarretaratzeak izan ziren beste hogeiren bat udaletan ere.

ELA LAB eta EILASeko ordezkariek agerian utzi nahi izan zuten CCOOk eta UGTk murrizketak negoziatzen dituztela Nafarroako Gobernuarekin.

Martxoaren 29rako  manifestazio bat deitu dute LAB, ELA y STEE-EILAS sindikatuek. Manifestazioa Barañainetik abiatuko da goizeko 11etan eta Gaztelu Plazan amaituko da.

A %d blogueros les gusta esto: