Posts tagged ‘langile publikoak’

octubre 11, 2013

Bizkaiko Aldundiak soldata izoztuko die bere langileei

Iturria: Berria.info – 2013/10/08

Gogo txarrez egin badu ere, Bizkaiko Foru Aldundiak iragarri du ez diebla 2014an soldatarik  igoko bere langileei. Unai Rementeria bozeramaileak azaldu duenez, aldundiko zerbitzu juridikoei galdetu diete aukerarik ba ote zuten Espainiako Gobernuaren neurria  ez jarraitzeko, baina legea derrigorrez bete beharrekoa dela ziurtatu diete.

Aldundiaren menpeko langile publikoei soldata izoztea kritikatu du Rementeriak, «esfortzu bat baino gehiago egin dutelako krisi garai honetan eta hainbat urte daramatzatelako igoerarik gabe. Eusko Jaurlaritzaren moduan, 2014ko ekaineko eta abenduko aparteko bi lansariak urtarrilera eta uztailera aurreratuko ditu.

Aldundiaren azalpenak ez ditu ontzat hartu ELAk. «Espainiako  Gobernuaren erabakiekiko erabateko menpekotasuna» erakutsi du Bizkaiak, «Madrilen sukurtsal hutsa izatea». Sindikatuak gogorarazi dio Gipuzkoako Aldundiak bilatu zuela bide bat bere langileei sariak igotzeko.

Anuncios
septiembre 27, 2013

Langile publikoen soldatak izoztuta jarraituko du 2014an

Iturria: Berria.info – 2013/09/27

Datorren urtea laugarrena izango dute langileek soldata bera jasotzen. Azken urteotan Espainiako langile publikoei ezarritako neurri guztiak inposatu dizkiete Jaurlaritzako eta Nafarroako Gobernuko langileei.

Espainiako Funtzio Publikoaren Mahaiko sindikatuetako ordezkariak deitu ditu gaur arratsaldean Espainiako Ogasun eta Administrazio Publikoetarako Ministerioak, jakinaren gainean jartzeko datorren urtean ere 2,6 milioi langile publikoek soldata izozturik izango dutela. 2012ko Gabonetako aparteko sariarekin ez bezala, 2013ko eta 2014ko biak errespetatuko dizkiela agindu du Espainiako Gobernuak. Euskal Herrian administrazio batzuk saiatu ziren sari hori ordaintzen, eta Madrilek asmo horiek trabatu zituenenean, batzuek erabaki zuten aurtengo udako saria urtarrilera aurreratzea (eta Eguberrietakoa udan ematea). Debeku horri buruzko azken hitza epaitegiek izango dute. Urteko soldata osoaren %7 inguru da aparteko sari bakoitza.

Sindikatuetako ordezkariak kexu dira langileon erosteko ahalmena %20 jaitsi dela krisia hasi zenetik. Jose Luis Rodriguez Zapaterok ekin zion murrizketen bideari, 2010eko maiatzean iragarri zuenean urte horren erditik aurrera langile publikoen soldatak %5 jaitsiko zirela. 2011an soldata publikoak ez igotzea erabaki zuen gobernu sozialistak, eta berdin egin zuen PPrenak 2012an eta  2013an.

Sindikatuek protestak egingo dituztela aurreratu dute.

Erabaki horren bidez milaka milioi batzuk aurreztu nahi ditu Espainiako Gobernuak, defizit publikoa jaitsi ahal izateko. Langile publikoen soldataren kontura 33.000 milioi euro aurreztu ditu Espainiako Gobernuak azken lau urteotan. Soldaten jaitsiera errealari, langile publikoen kopuruaren jaitsiera batu zaio. Horrela, 2010eko aurrekontuetan 127.000 milioi aurreikusi zituen Espainiako Gobernuak bere langileei pagatzeko, eta 116.000 milioi  izan dira aurten.

Langile publikoen jaitsierak jarraituko du datorren urtean administrazio zentralean, baina agian erritmo motelago batean. Izan ere, azken urteotan soilik segurtasun indarretan edo iruzur fiskalaren aurkako taldeetan ordezkatu ahal izan dituzte erretiroa hartutako langile batzuk (hamarretik bat baizik ez); 2014an, berriz, ordezkapen tasa hori erabiliko dute hezkuntzan, osasunan, suhiltzaileetan, justizia admnistrazioan eta beste batzuetan ere.

ELAren erantzuna

Eusko Jaurlaritzari, Nafarroako Gobernuari, diputazioei eta udalei «beren erabakitzeko esparrua defendatzeko» eskatu die ELAk, eta ez ditzatela bete Espainiako Gobernuaren inposaketak. «Berriro ere, gure botere publikoek erabaki behar dute politika antisozialei jarraipena eman nahi dieten ala gizartearen alde apustu egiten duten». Langile publikoak, berriz, mobilizatzera deitu ditu ELAk: «Lapurtzen ari zaizkigun lan baldintzak berreskuratzeko bide bakarra da».

mayo 3, 2013

Sindikatuek ez diote 35 orduko lan asteari muzin egin nahi

Iturria: Berria.info – 2013/05/03

Funtzio Publikoko Mahaitik altxatu, eta lanaldia luzatzeko dekretua atzera botatzea exijitu dute ELA, LAB, UGT eta CCOOk

Sindikatuen «itxikeriak» langileei kalte egin izana gaitzetsi du Eusko Jaurlaritzak

Eguna jarri gabe etengo da Funtzio Publikoaren Mahaia. Araba, Bizkai eta Gipuzkoako langile publikoen baldintzak arautzeko negoziazio mahaitik altxatu egin ziren atzo ELA, LAB, CCOO eta UGT. Lau sindikatu horiek ez diote 35 orduko lan asteari muzin egin nahi, eta, horregatik, Eusko Jaurlaritzak dekretu bidez ohiko lanaldia 1.614,5 ordura igotzeko erabakia atzera bota dezala exijitu dute.

Ramon Uriarte ELAko ordezkariak gogora ekarri dio Gasteizko gobernuari Eusko Legebiltzarrak iragan astean dekretu hori ez ezartzeko legez ez besteko proposamena onartu zuela, EH Bildu, PSE-EE eta UPD taldeen aldeko botoarekin. Eusko Jaurlaritzak dekretu hori indargabetzen ez duen bitartean, negoziazioa etetea erabaki dute lau sindikatuek. Andres Zearreta Funtzio Publikoko sailburuordearen ustez, langile publikoek ez dute zertan ordaindu sindikatuen «itxikeria».

Murrizketen aurkako protesta, iazko urriaren 2an. / JUANAN RUIZ / ARGAZKI PRESS

Murrizketen aurkako protesta, iazko urriaren 2an. / JUANAN RUIZ / ARGAZKI PRESS

Negoziazio mahaiak 11:00etan zuen hitzordua. Hainbat gai zituzten jorratzeko: lizentziak, 12 urte arteko haurrei laguntzeko baimenak definitzea; aldi baterako ezintasun osagarriak garatzeko proposamena jorratzea; zerbitzuak azpikontratatzeko aukera aztertzea; eta erakunde sareko antolakundeen hitzarmenen indarraldia bermatzeko proposamena aztertzea. Gai horiek zerrendan izanagatik, ELAk ohar bidez jakinarazi duenez, negoziazioarekin hasi aurretik lanaldia luzatzeko dekretua atzera botatzeko exijitu diola Eusko Jaurlaritzari.

Sindikatu abertzaleak arrazoitu du dekretu horrek enplegu galera ekarriko duela eta 35 orduko lan astearen legea zein 2010eko Mahai Orokorreko akordioa ez dituela betetzen. ELAren arabera, beste sindikatuek ere bat egin dute exijentzia horretan. «Gobernuko ordezkariek gai zerrendarekin jarraitu nahi zutenez, dekretua erretiratzeko konpromisorik hartu gabe», eten bat egin zuten. ELAren arabera, behin sindikatuek hori hitzartuta, Jaurlaritzak bilera egiten jarraitu nahi zuen, baina dekretuari eutsiz. «Beraz, sindikatuetako ordezkariok mahaitik altxatu egin gara».

ELAk gaineratu du Eusko Jaurlaritzak iritzi publikoaren aurrean negoziazioa mahaia erabili egin nahi izan duela. «Bilerak garrantzi gutxiko edukien inguruan luzatzen ditu, dekretuz murrizketa eta enplegua suntsitzeko erabakiak hartzen dituen bitartean».

Asteartean, Josu Erkoreka Jaurlaritzako eledunak azaldu zuenez, dekretua indargabetuko balitz Arabako, Bizkaiko eta Gipuzkoako funtzionarioen lan baldintzak Espainiako legeen arabera arautu beharko lirateke, eta, horrenbestez, dekretuan jasota dauden 1.614,5 lanorduak baino gehiago lan egin beharko lukete.

LABen arabera, ohartarazpen hori jarri diete mahai gainean. Sindikatuaren ustez, «Madrildik etor daitezkeen neurrien arabera dantzan egotea baino hobeagoa da bermeak jartzea». Hala, dekretua atzera botatzea «ezinbesteko urratsa» da negoziazioari ekiteko. «Ezinezkoa da eraiki nahi dugun etxearen paretaren kolorea aukeratzea, etxe beraren egituran adostasunik ez dugun bitartean». LABek ohartarazi du lanaldia igotzeak enplegu publikoaren suntsiketa dakarrela.

Andres Zearreta Eusko Jaurlaritzako Funtzio Publikoko sailburuordeak «tamalgarritzat» jo du sindikatuen jarrera. Atsekabea azaldu du , eta sindikatuen jarrera hori langile publikoen kaltetan doala iritzi dio. Elkarrizketari berrekiteko «erabateko borondatea » azaldu du.

Nahiz eta ELAk atzoko bileran jorratu beharreko gaiak bigarren mailako gaiak zirela adierazi, Zearretak nabarmendu du bilerara gobernuak eraman behar zituen proposamenak «garrantzitsuak» zirela. Proposamenetako bat zen 12 urtera arteko haurrei laguntzeko urtean zortzi orduko baimen berri bat sortzea. Lana eta sendia uztartzeko neurriak ere aztertu egin nahi zituen: gaixotasun larria duen senide bat zaintzeko baimen ordaindu bat arautzea planteatzen zuen.

Era berean, behin-behineko ezintasunen kasuan ere, hainbat aukera aztertu nahi zituen Zearretak. Adibidez, lehen eta hirugarren egun artean soldataren erdia jasotzea; 4. eta 20. egun artean soldataren %75, eta hortik aurrera, %100. Zearretaren esanetan, Jaurlaritzak gainera zerbitzurik ez azpikontratatzeko konpromisoa azaldu nahi zuen.

Mobilizazioak hiriburuetan

Negoziazioak etenda, sindikatuek mobilizazioetara deitu dituzte langile publikoak maiatzaren 11erako, larunbatarekin. Manifestazioak hiru hiriburuetan izango dira, Dekreturik ez, Enplegu suntsiketarik ez, Zerbitzu publikoen defentsan, hemen erabaki lelopean: Bilbon, Jesusen Bihotza plazatik aterako da 17:30ean; Donostian, 17:30ean, Bulebarretik eta Gasteizen, 19:00etan, Bilbo plazatik. Administrazio publikoko sektore mahaietako erakundeei ere bat egitera deitu diete.

noviembre 22, 2012

Guardian Llodioko langileek Bilboraino eraman dute lanpostuen aldeko aldarrikapena

Iturria: ELA Sindikatua – 2012/11/21

Guardian Llodioko enpresaren eta Bilboko Guggenheim Museoaren arteko ibilbidea oinez egin dute langileek zuzendaritzak aurreratutako 139 kaleratzeen aurka protestatzeko. Langileak greban daude urriaren 23tik negoziazioa eskatzeko.

Guardian Llodioko zuzendaritzak gaur goizean baieztatu du 139 kaleratze jasotzen dituen Enplegua Erregulatzeko Espedientea aurkezteko asmoa. EEEa bihar aurkeztuko die lan batzordeko kideei, gaur jakinarazi duenez.

octubre 15, 2012

ELAk erabat arbuiatzen du abenduko ordainsaria kentzeko Foru Gobernuaren proiektuak Parlamentuan aurrera segitu izana

Iturria: ELA Sindikatua – 2012/10/15

ELAk talde politikoei gogoraratzen die 2012ko soldataren %7a mantentzeko ardura osoa daukatela. Oso kritikagarria da UPNren proiektu horren aurkako zeuden alderdi batzuek, bozkatzeko orduan, azkenik onartu izan dutela euren abstentzioen bidez.

ELA sindikatuak erabat arbuiatzen du abenduko ordainsaria (hau da, urteko %7ko soldata) kentzeko Foru Gobernuaren proiektuak Parlamentuan aurrera segitu izana, atzoko osoko bilkuran oposizioko alderdiek ez zutelako euren gehiengoa aprobetxatu Barcinari bere proiektua itzultzeko. Oso kritikagarria da UPNren proiektu horren aurkako zeuden alderdi batzuek, bozkatzeko orduan, azkenik onartu izan dutela euren abstentzioen bidez.

ELAk talde politikoei gogoraratzen die 2012ko soldataren %7a mantentzeko ardura osoa daukatela, LORAFNA legeak Nafarroari ematen baitio arlo horren ahalmen osoa, beste inon gertatzen ez dena. Horrela aitortzen dute Parlamentuko zein Gobernuko txosten juridikoek.

Gauzak horrela, ELAk ez du uste batzorde parlamentari bat sortzea balizko irtenbide onena denik, arazoa luzatzeaz gain, abenduko ordainsaria kentzeko proposamena ere bere baitan hartuko duelako. Dena den, Parlamentuko alderdiei eskatzen diegu behar diren neurri guztiak hartzeko, beti ere 2012ko Nafarroako Aurrekontu Orokorretan dauden ordainsari guztiak ordaintzeko, langile publiko guztiontzako eta aurreikusita dagoen epean.

Zentzu honetan, eta batzorde hori jada gauzatu den neurrian, ELAk eskatzen du bere baitan parte hartzea bere jarrera ezagutzera emateko. Gainera, ELAk berresten du bere mobilizazioaren aldeko apustua, talde politikoengan presioa egiteko beste biderik ez dagoelako.

septiembre 21, 2012

Greba deialdiak 700 enpresa batzorde baino gehiagoren atxikimendua jaso du orain arte

Iturria: Berria.info – 2012/09/21

ELA, LAB, ESK, EILAS, EHNE, Hiru, CGT eta CNT sindikatuek eta hainbat gizarte eragilek murrizketen aurka hilaren 26rako deitutako greba orokorrak 700 enpresa batzorde baino gehiagoren atxikimendua jaso du orain arte, sindikatuek gaur jakinarazi dutenez. “Langileek bankaren interesen mesedetan herritarroi egindako lapurreta itzel honen aurrean erantzun irmoa emango dutela zalantzarik ez daukagu, eta datuek horrelaxe adierazten digute”.

Ondorioz, greba “arrakastatsua” izango dela aurreikusi dute.

Atxikimenduen zerrenda.

septiembre 21, 2012

Cientos y cientos de comité de empresa dan su apoyo a la convocatoria de huelga general del 26 de setiembre

Iturria: ELA Sindikatua – 2012/09/21

Desde que los sindicatos ELA, LAB, ESK, STEE-EILAS, EHNE, HIRU, CGT y CNT, junto con decenas de colectivos y agentes sociales, convocamos la huelga general para el 26 de Septiembre, han sido cientos y cientos las empresas que han dado ya su apoyo a la misma. Ante el inmenso robo a la sociedad con el fin de favorecer los intereses de la banca, no cabe la menor duda que la clase trabajadora va a responder con contundencia. Así lo avalan los datos con que contamos a fecha de hoy.

En una primera recogida de datos, se contabilizan más de 700 adhesiones de comités de empresa, y la lista sigue aumentando. (ANEXO)

En lo que respecta al sector público, teniendo en cuenta que también es un sector muy directamente afectado por los recortes de derechos, son significativas y muy numerosas las adhesiones de Juntas de Personal, Comités de Empresa y Secciones Sindicales (Educación, Sanidad, Administración General, Administración Local y Foral, Servicios Sociales…)

Merece citar que muchas de estas adhesiones lo han sido por unanimidad y queremos destacar que la actitud de los delegados/as de aquellos sindicatos que no han convocado la huelga ha sido muy distinta en los centros de trabajo de la que han mantenido sus direcciones. En muchos casos, no sólo no han dificultado la adhesión, sino que incluso la han apoyado.

Se hace del todo evidente que la clase trabajadora ve necesario responder ante las imposiciones y las reformas. De nuevo animamos a la clase trabajadora, y a la sociedad en general, a salir a la calle el día 26 para afirmar con rotundidad que no aceptamos los recortes en Euskal Herria.

Por otra parte, se vienen celebrando asambleas y votaciones en los centros de trabajo con el fin de dar apoyos a la huelga. Los datos existentes son muy positivos, aunque la mayoría de votaciones se celebran hoy mismo y el lunes y martes. Con el fin de dar una pincelada, valgan como muestra: CAF, AF, INDAR, BELLOTA HINE, CIE LEGAZPI, JASO, ORDIZIKO UDALA TOLOSAKO UDALA, AMR REFRAKTARIOS, CINTAS AD. UBIS…

Prevemos una jornada de huelga exitosa, dado que comarca por comarca y sector por sector los apoyos a la huelga se extienden sin cesar. Además de la relación, incompleta, y estando en puertas de la jornada de huelga, se cuentan también por centenares las pequeñas y medianas empresas que apoyan la huelga, sumando así su aportación al éxito de la misma.

Listado de adhesiones a la huelga

septiembre 20, 2012

Udaletako langileen elkarretaratzea murrizketen aurka

Iturria: ELA Sindikatua – 2012/09/20

Udaletako ehunen bat langile elkarretaratu da gaur goizean EUDEL-ek Bilbon duen egoitzaren atarian murrizketen aurka. ELAko ordezkariek Rajoyren neurriak ez aplikatzea eskatu diote EUDEL-eko zuzendaritzako kideei.

Azken urteotan pobretze orokorra lortzeko politika gogorrak ari dira ezartzen, eskubide laboral eta sozialak behin eta berriz murrizten dizkigutelarik. Politika hauek kalte handia eragiten diete euskal udaletako langileen baldintzei; etengabe ari zaizkigu murrizketak egiten, bai Madrileko gobernuen, bai udaletakoen erabakiz. Honek ez du inondik ere laguntzen enplegua sortzen, ez langile publikoen bizi-kalitatea hobetzen, eta gure herri zein hirietako ekonomia erreala sustatzeko ere ez du balio; aitzitik, ehundaka lanpostu suntsitzen dira, eta horrela ekonomiaren beheraldia areagotu.

Rajoyren azken dekretua aipatutako estrategien jarraipena da: bere xedea herritar gehienak txirotzea da, gutxi batzuren pribilegioak mantentze aldera.

Alabaina, gure ustez begibistakoa da Dekretu hortan jasotako neurriak aplikatzea ez dela legezko kontu bat, borondate politikoaren baitan dagoelako. Esparru instituzionaletako ekimen bidez eta hedabideetan egindako adierazpenetan, euskal udaletan agintzen duten alderdiek, EUDEL osatzen dutenek, han eta hemen diote murrizketak aplikatzearen aurka daudela, hauek ez omen direlako gure herriak behar duena. Bada, orain daukate hitz horiek egintza bihurtzeko aukera.

ELAk dei egiten die EUDELi eta euskal udaletako agintariei bestelako politika batzuren alde egin dezaten, beste herri-eredu baten alde, eta EZ DITZATELA APLIKATU Madrilek inposatu nahi dituen murrizketak.

septiembre 11, 2012

ELAk salatzen du Gobernuak langile publikoen 14. ordainsaria kenduko duela, nahitaez

Iturria: ELA Sindikatua – 2012/09/10

ELAk Mahai Orokorrean kritikatzen du Funtzio Publikoaren arduradunen jarrera, eta murrizketa honen estaldura ez emateko eskatzen die gainerako sindikatuei.
 
ELA sindikatuak salatu du, gaurko Funtzio Publikoaren Mahai Orokorrean, Nafarroako Gobernuak iragarritako asmo irmoa -eta hainbat aldiz azpimarratuta-: 25.000 langile publikoen 14. ordainsaria behin betirako kentzea. Gobernuaren ordezkariek argitu dute “ordainsari hori ez dela inondik inora itzuliko”. Gainera, “Estatuko pentsio funtseen antzeko neurriren bat ikertuko dutela” esan dute, baina han ez dela “inolako bermerik”, gehitu dute, eta inongo kasuetan 2015 baino lehen. “Beste gauza da -Gobernuaren esanetan-, zein hilbatetetan ordaintzen diren datorren urteko udako eta Gaboneko ordainsariak”.
 
Horrek guztiak ELAk esandakoa baieztatzen du: langile publikoek haien urteko soldataren %7ko murrizketa jasango dute, etorkizunean berreskuratzeko inolako aukerarik gabe. Gainera, ELAk salatzen du Gobernuak Tokian Tokiko Administrazioan (Udaletxeetan eta abar) zein enpresa publikoetan (hitzarmen kolektiboak etenda geldituko dira) 14.ordainsaria kenduko duela, nahitaez.
 
25.000 langile nafarren soldataren aurkako eraso bortitza honen aurrean mobilizazioa baino beste biderik ez dagoela azpimarratzen du ELAk. Gauzak horrela, ELAk gainerako sindikatuak estutzen ditu neurri honen estaldura ez emateko, Mahai Orokorrean zein beste mahaietan ere ez. Azkenik, ELAk langile publikoak greba orokorrean parte hartzera animatzen ditu, murrizketa guztien aurkako jarrera agerian uzteko asmoan.
septiembre 10, 2012

Shock politika kapital metatze fase berri baterako

Iturria: Manu Robles-Arangiz Institutua Fundazioa – mrafundazioa.org – 2012/09/07

Krisia ez da pasa ondoren “normaltasunera”  itzuliko gaituen estuasun edo arnomaltasun aro bat.

Krisia erabiltzen ari dira botereari interesatzen zaizkion neurriak irtenbide gisa saltzeko, modu horretara kapitalaren metatze fase berri bat abiarazteko asmoz.

Kapitalaren metatze hori gauzatzeko lau bektore jarri ditu martxan politikak:  (1) zor pribatu andana publiko bihurtu,  (2) arlo publikoa eta gastu soziala murriztu,  (3) zerga egitura kapitalaren mesederako egokitu, eta (4)  soldatak era nabarmenean jaitsi.

Zor pribatu andana publiko bihurtu

Krisiaren hasieratik bankari eman zaion laguntza guztia, gehi uztailean hitzartu duten 100.000 milioiko erreskate deitua (oraingoz jaso gabeak) gehi datorrela dioten erreskate berria altxor publikoaren kontura doaz.

1.Gobernuari egindako maileguak dira, ez bankuei
2.Gobernua da maileguak itzuli behar dituena
3.Gobernuak ez dio mailegatuko, baizik eta eman egingo dio bankari (mailegua balitz banka pribatuak egingo luke, dirua irabazteko)
4.Ez da egia baldintza gabeko maileguak direnik, baldintzak daude eta oso larriak dira.

Gobernuak, mailegua itzultzeko zergak igo eta gastu soziala jaitsiko dudira.Gobernuak, mailegua itzultzeko zergak igo eta gastu soziala jaitsiko du.

“Banku txarra” delakoa izango da eragiketa hau egiteko erreminta: gure diruarekin, higiezinen aktiboak (zorua eta etxebizitzak) merkatuko prezioaren oso gainetik erosiko duen instituzio publikoa. Hala, balantzeetan ez dira azalduko higiezinen orgian izandako milaka milioiko galerak eta guztiok ordaindu beharko dugu.

Bien bitartean soilik urtarrila eta ekaina artean 220.000 milioi euro atera dira bankuetatik modu legalean (kapital-ateratzea kontuan izan gabe, izugarria izan dena).

Arlo publikoan eta gastu sozialean murrizketa zorrotzak  zorra ordaintzeko

Aurrekontuen egonkortasunerako legea (PNVk babestua) eta 2011ko udako konstituzio erreforma dira gastu sozialen murrizketa guztien markoa: estatuak konpromisoa hartzen du hartzekodunei ordainduko diela herritarren behar sozialei erantzun aurretik.

Administrazio guztiak murrizketak egiten ari dira aurrekontuetako atal guztietan, gastu sozialean bereziki (osasungintza, hezkuntza…).

Arlo publikoko enpleguan eta lan baldintzetan murrizketak ere.

Pentsioen erreformek, egindakoak eta datorrenak, helburu bera daukate. Gastua gutxitu orain zein etorkizunean eta enpresen kotizazio jaitsierari bidea ireki. Kotizazioen bi puntuko jaitsiera 5.500 milioiko oparia da patronalarentzat.

Publikoa higatzeko eta pribatizazioak ugaritzeko estrategia.

Zerga egitura kapitalaren mesederako egokitu

Zerga-bilketaren beherakada izugarria, langabeziaren, atzeraldi ekonomikoaren eta zerga iruzurraren ugaritzearen ondorioz.

Gastua handitu egin da langabezia sariengatik, baina batez ere zorraren ordainketaren ondorioz.

Estatuak 100.000 milioi gastatu ditu urtarrila eta ekaina bitartean, eta soilik 50.000 milioi bildu ditu. Defizitaren aurrikuspenak ez ditu beteko urrik ere, eta hala, hurrengo urteetako murrizketak justifikatuko dituzte.

Uztailean igarritako BEZ igoerak zerga bilketaren erorketa arindu nahi du, baina oso bidegabea da errenta baxukoak kargatzen dituelako bereziki.

Soldaten kapitulu guztien pobretzea eta lan harremanak gehiago prekarizatu

Lan erreforma guztiek eta negoziazio kolektiboaren bi erreformek bilatzen dutena da.

Soldatak jaistea eta lan harremanak prekaritzatzea.

Prestazio sozialen murrizketak (langabezia saria, laguntzak, oinarrizko errenta) eta langabezia gehituta, langile klasea behartua dago edozein lanpostu, edozein lan baldintza eta edozein soldata onartzera.

Gogoan izan soldata ez dela kontu korrontera doana soilik. Kotizazioak (norberarenak eta enpresarenak) ere soldata dira

A %d blogueros les gusta esto: